Sachsen im Tunnel

Oh … Gugge, awwr schwatz!

Jjah.

Wenn der Zuuch jädzd endglaisd – – –

Jjah.

…oder wennr midd änn andern zesammgrachd!

Wenn de nach Ronneburch färschd, da mußde iwwr Aldenburch, – da is ooch so ä Dunnel!

Jjah.

Dähr dauerd ferleichd zwee Minuhdn!

Jjah.

Warum se nur de Bahn nich um dn Bärch rumfahrn lassn? Oder driwwrwägg?

Jjah.

Ferleichd isses ze deier?

Jjah.

Gugge, swärd schon widder hälle!

Jjah.

Na, da währj a häbbchn schlafn – jädz gibbts je nischd mähr ze sähn!